“Kontratë afatgjatë”, portieri i Italisë martohet në fshehtësi

Portieri i Manchester City dhe i kombëtares italiane, Gianluigi Donnarumma ka kurorëzuar lidhjen e tij duke u martuar me Alessia Elefanten, të cilën e ka partnere prej shumë vitesh.

Lajmi u bë publik në mënyrë surprizë përmes rrjeteve sociale, ku çifti ndau disa foto nga ceremonia. Postimi u shoqërua me një mesazh me humor nga portieri: “Kontratë afatgjatë e nënshkruar”.

Historia e tyre e dashurisë ka nisur në vitin 2016, kur Donnarumma ishte pjesë e Milan. Që prej asaj kohe, ata kanë mbajtur një profil të ulët publik, duke e ruajtur marrëdhënien larg vëmendjes mediatike.

Propozimi për martesë erdhi në vitin 2024 në Paris, gjatë periudhës kur ai luante për Paris Saint-Germain. Po në atë vit, çifti u bë edhe me një djalë.

Martesa vjen në një moment të rëndësishëm për portierin, i cili së fundmi është transferuar në Premier League, duke nisur një kapitull të ri si në karrierë, ashtu edhe në jetën personale.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)