Aktualitet
Borë deri 40 cm, akse të bllokuara dhe mungesë energjie në Dibër
Reshjet e borës kanë shkaktuar probleme në Dibër. Raportohen rrugë të bllokuara dhe mungesë energjie në disa zona.
09:31 17 h më parë11.01.2026.
Autori4 ditë pa ujë, protesta para Bashkisë së Vlorës dhe tension me policinë
Qytetarët e mbledhur në sheshin përpara institucionit vendor hodhën vezë dhe letra higjienike në drejtim të godinës dhe efektivëve të forcave të rendit.
29.12.2025. 12:52
Në ditën e katërt pa ujë të pijshëm, qytetarët e Vlorës dolën në protestë para Bashkisë, duke shprehur revoltën për situatën e krijuar. Mes thirrjeve “Po na zë kolera”, banorët kërkuan zgjidhje të menjëhershme.
Gjatë protestës nuk mungoi edhe tensioni dhe përplasja verbale me forcat e policisë, të cilat kishin rrethuar godinën e Bashkisë. Dhjetëra qytetarët e mbledhur në sheshin përpara institucionit vendor hodhën vezë dhe letra higjienike në drejtim të godinës dhe efektivëve të policisë.
Protestuesit kërkuan takim me kryebashkiaken Brunilda Mersini, por ajo nuk doli përballë tyre. Sipas qytetarëve, kryebashkiakja u ka mbyllur telefonat, duke deklaruar se ndodhej në zonën ku ka ndodhur defekti. Në një prononcim për mediat, Mersini garantoi se problemi i furnizimit me ujë është drejt zgjidhjes.
Ajo bëri me dije se në orët në vijim pritet të mbërrijnë nga Turqia tre pjesë këmbimi të domosdoshme për riparimin e tubacionit kryesor dhe se furnizimi me ujë për qytetin pritet të rinisë gjatë natës.
Ndërkohë, Ujësjellës-Kanalizimet Vlorë njoftuan se uji i shpërndarë me autobote duhet përdorur vetëm për nevoja emergjente dhe nuk është i përshtatshëm për t’u pirë, çka ka shtuar shqetësimin e qytetarëve. Shkak i ndërprerjes së furnizimit është një defekt i rëndë në linjën kryesore të transmetimit, në tubacionin me diametër 1000 milimetra që furnizon depot e qytetit.
Shkarkoni aplikacionin Newsmax Balkans:
Komente (0)