Reshjet e shiut, KESH: Rritet niveli i shkarkimeve në Kaskadën e Drinit

Sasia e konsiderueshme e reshjeve në vend ka sjellë dalje të lumenjve nga shtrati, por dhe rritje të prurjeve në kaskadën e Drinit. 

Sipas njoftimit më të fundit të KESH, ka nisur shkarkimi i ujërave në HEC-et e Komanit dhe Vaut të Dejës, por në Fierzë ende jo. 

Situata në Kaskadën e Drinit

Sot dhe ditët në vazhdim situata sinoptikale pritet të mos ketë përmirësim. Reshjet e shiut do të jenë prezente disa ditë, gjë që nënkupton se sasitë e prurjeve të ujit në kaskadë do të jenë maksimale.

Prurjet natyrore në kaskadë janë :

- HEC Fierzë              2400 m3/s

- HEC Koman            1200 m3/s

- HEC Vau i Dejës     400 m3/s

Nivelet në liqenet e Kaskadës së Drinit janë:

Fierza:  284.8 m 

Koman: 174.2 m 

Vau i Dejës: 75 m

Shkarkime (Prodhim + Shkarkim) :

•Hec Fierzë              0m3/s

•Hec Koman           1200 m3/s

•Hec Vau Dejës      1600 m3/s

Korporata Elektroenergjetike Shqiptare vijon të monitorojë me kujdes dhe në mënyrë të vazhdueshme situatën hidrike në kaskadë, duke garantuar menaxhim të sigurt dhe efikas të burimeve ujore.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)