Rikthehet në normalitet transporti publik, operatorët do të subvencionohen nga qeveria

Transporti publik në vend do t’i rikthehet normalitetit pas 24 orëve, ku flota e mjeteve u reduktua me 40% dhe shkaktoi kaos me lëvizjen e qytetarëve, kryesisht gjatë orëve të pikut, në kryeqytet.

Shoqata e Transportit Urban bën me dije se është arritur një marrëveshje mes tyre, qeverisë dhe pushtetit vendor për t’i hapur rrugë subenvicionimit të karburantit në lekë për litër.

Po ashtu bëhet me dije se në takimin me ministren e Ekonomisë, ministrin e Infrastrukturës dhe kryetaren e deleguar të bashkisë së Tiranës, është dakordësuar rikthimi në normalitet i lëvizjes, ndërsa shuma e subvencionimit mbetet ende e paqartë.

“Patëm një takim me ministren e ekonomisë, ministrin e infrastrukturës dhe kryetaren e bashkisë, u dakortësuam që transporti do të rikthehet në normalitet dhe do ketë subvencion lekë për litër por do të jetë në diskutime si vlerë. Nga sot do të vazhdoj transporti me kapacitet të plotë se dhe operatorët duan ta orfojnë shërbimin siç duhet për shkak të asaj që u pa këto dy ditë. Do të kemi dhe takim tjetër javën që vjen për të diskutuar kërkesat e tjera ekonomike si TVSH, akcizë për kategoritë që udhëtojnë falas”, thanë përfaqësuesit e shoqatës.

LEXO MË SHUMË

Aktualitet

Qytetarët pritje të gjata në stacion, kolaps në transportin publik pas reduktimit të flotës

Ashtu siç kishte paralajmëruar një ditë më parë Shoqata e Transportit Publik, për reduktim me 40 për qind të flotës së autobusëve, këtë mëngjes në stacionet e Tiranës është vënë re numër i madh qytetarësh në pritje.

09:06 1 ditë më parë15.04.2026.

Autori

Aktualitet

Çmimi i naftës, transporti publik redukton flotën e mjeteve

Shoqata e Transportit publik ka lajmëruar se nga e mërkura do të ketë reduktim të flotës së autobusëve pasi sipas tyre nuk pati reagim për koston financiare të rritjes së naftës për këtë sektor.

09:01 2 ditë më parë14.04.2026.

Autori

Ekonomi

Çmimi i naftës rrit biletën e transportit publik? Karakaçi: Subvencione operatorëve, taksa e qarkullimit nuk hiqet

Ministri i Energjisë dhe Infrastrukturës, Enea Karakaçi tha sot pas mbledhjes së qeverisë se heqja e taksës së qarkullimit për të lehtësuar qytetarët nga barra e rritjes së çmimeve, si një masë kundër efekteve të luftës në Lindjen e Mesme, nuk ka gjasa të ndodhë.

14:10 14 ditë më parë01.04.2026.

Autori

Shoqatat prej disa javësh tashmë i kishin kërkuar qeverisë subvencionime, pasi rritja e çmimit të naftës, ndikuar nga lufta në Lindjen e Mesme kishte sjellë kosto të papërballueshme për ta.

Ata kishin propozuar që kompensimi të kryhet për një periudhë 6-mujore, me një fond të përllogaritur në rreth 300 milionë lekë. Shoqatat po ashtu kërkuan heqjen e akcizës së naftës, taksës së qarkullimit dhe uljen e TVSH-së në 5%.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)