"Mos dil jashtë, policia!", kapet 40-vjeçari që vodhi marketin në Yzberisht

Policia e Tiranës ka arrestuar 40-vjeçarin që vodhi paratë e xhiros ditore në një market në Yzberisht. Sipas burimve zyrtare, ai është prangosur në zonën e njohur si Rruga e Qelqit.

Sakaq, bëhet e ditur se punonjësja që u plagos me thikë, pas mjekimit është larguar nga spitali.

NJOFTIMI I PLOTE

Finalizohet operacioni policor i koduar “Intervent”.  

Identifikohet, kapet dhe vihet në pranga 40-vjeçari që vodhi një shumë parash dje, në një market në Yzberisht, duke kanosur punonjësen, me thikë.   

I arrestuari, me precendent penal për vjedhje me dhunë.    

Shërbimet e Komisariatit të Policisë Nr. 6, në vijim të veprimeve intensive hetimore të kryera për zbardhjen e vjedhjes së kryer dje, në kërcënimin e thikës, në një market në Yzberisht, organizuan dhe finalizuan operacionin policor “Intervent”. 

Si rezultat i operacionit u identifikua, u kap në Rrugën e Qelqit dhe u vu në pranga autori i dyshuar i vjedhjes, shtetasi E. T.(T), 40 vjeç, banues në Tiranë. 

Punonjësja e marketit që u dëmtua në dorë, nga thika që mbante autori, në tentativë për ta ndaluar atë, mori mjekim dhe u largua nga spitali. 

Materialet procedurale do t’i kalojnë Prokurorisë, për veprime të mëtejshme.

Lexo më shumë

Kronikë

Kërcënon me thikë shitësen, vidhet marketi në Yzberisht

Policia e Tiranës bën të ditur se një shtetas ende i paidentifikuar nën kërcënimin e thikës ka vjedhur një shumë parash në një market në Yzberisht.

14:48 143 ditë më parë08.01.2026.

Autori

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)