Kokainë të pastër dhe para të fshehura në mure, kapen dy shqiptarët në Itali

Një operacion i gjerë i Policisë Italiane ka çuar në arrestimin e dy shtetasve shqiptarë dhe një italiani, të përfshirë në trafik droge dhe fshehje të shumave të mëdha parash në Itali

Sipas hetimeve të zhvilluara nga seksioni i krimit të Milanos, operacioni është shtrirë mes provincave të Bergamos dhe Milanos, duke kulmuar me kontrolle të ushtruara në mars 2026.

Gjatë kontrollit në një banesë në Osio Sopra, policia zbuloi 4.5 kilogramë kokainë, 1.7 kilogramë hashash dhe rreth 53 mijë euro para cash. Sipas autoriteteve, një pjesë e konsiderueshme e parave ishte fshehur në mure, në përpjekje për t’i shpëtuar zbulimit.

Në total, operacioni çoi në sekuestrimin e rreth 12 kilogramëve drogë dhe afro 90 mijë eurove. Në pranga ranë dy shqiptarë, përkatësisht 39 dhe 52 vjeç, si dhe një shtetas italian 64-vjeçar.

Hetimet kanë treguar se aktiviteti kriminal ishte i organizuar dhe i shtrirë në disa zona, ndërsa mënyra e fshehjes së parave në mure dëshmon për përpjekjet për të maskuar fitimet nga trafiku i drogës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)