Kishte abuzuar seksualisht me 10-vjeçarin, arrestohet në kufi 17-vjeçari i shpallur në kërkim

Drejtoria Vendore e Policisë Gjirokastër njofton se specialistët e Hetimit të Krimeve të Komisariatit kanë ndaluar një 17-vjeçar, i cili ishte i shpallur në kërkim. Ai dyshohet se ka abuzuar seksualisht me një 10-vjeçar.

Ngjarja e rëndë kishte ndodhur në prani të dy shtetasve të tjerë të mitur, të cilët ishin të moshës 9 dhe 10 vjeç. I riu u kap nga shërbimet e Policisë Kufitare në Kakavijë, në hyrje të Republikës së Shqipërisë.

Sipas njoftimit të Drejtorisë Vendore të Policisë Gjirokastër, materialet procedurale janë dërguar në Prokurorinë pranë Gjykatës së Shkallës së Parë Gjirokastër për veprime të mëtejshme ligjore.

NJOFTIMI I POLICISË GJIROKASTËR

Specialistët për Hetimin e Krimeve të Komisariatit të Policisë Gjirokastër:

-ndaluan një 17-vjeçar, i cili ishte i shpallur në kërkim, pasi dyshohet se ky shtetas në prani të 2 shtetasve të tjerë të mitur, të moshës 9 dhe 10 vjeç,  dyshohet se ka abuzuar seksualisht me një 10-vjeçar. Ky shtetas u kap nga shërbimet e Policisë Kufitare, në PKK Kakavijë, në hyrje të RSh-së;

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)