“Kontribuojmë për paqen si anëtarë krenarë”, presidenti Begaj uron 77-vjetorin e themelimit të NATO-s

E cilësoi një nga arritjet më të rëndësishme të bashkëpunimit ndërkombëtar, një Aleancë të ndërtuar mbi besimin dhe solidaritetin, me qëllim garantimin e lirisë, sigurisë dhe mbrojtjes së përbashkët.

04.04.2026. 12:25

“Kontribuojmë për paqen si anëtarë krenarë”, presidenti Begaj uron 77-vjetorin e themelimit të NATO-s

Presidenti i Republikës, Bajram Begaj ka bërë një urim për 77-vjetorin e themelimit të NATO-s. Kreu i shtetit shqiptar e cilësoi një nga arritjet më të rëndësishme të bashkëpunimit ndërkombëtar, një Aleancë të ndërtuar mbi besimin dhe solidaritetin, me qëllim garantimin e lirisë, sigurisë dhe mbrojtjes së përbashkët.

Sipas tij, Aleanca vazhdon të jetë një simbol i unitetit dhe përgjegjësisë kolektive, duke mbrojtur vlerat demokratike dhe forcuar sigurinë Euroatlantike. “Prej 17 vitesh, Shqipëria qëndron krenarisht si një anëtare e denjë e kësaj familjeje, duke kontribuar për paqen, sigurinë dhe mbrojtjen kolektive”, deklaroi presidenti.

Begaj e vendosi theksin edhe të kontributi që jep vendi ynë. Sipas presidentit, rritja e buxhetit të mbrojtjes dhe pjesëmarrja aktive në misione dhe operacione të NATO-s tregojnë përkushtimin e Shqipërisë ndaj vlerave të përbashkëta.

Shkarkoni aplikacionin Newsmax Balkans:

Komente (0)