500 mijë euro dhe kokainë, shqiptari përplas policin gjatë tentativës për t’u arratisur

Një ndjekje me shpejtësi të lartë, një efektiv policie i plagosur dhe një furgon që lëvizte rrezikshëm mes trafikut urban.  Kështu nisi një operacion antidrogë në zonën e Rimini, që përfundoi me arrestimin e një shtetasi shqiptar dhe sekuestrimin e një sasie të madhe droge dhe parash.

Ngjarja ndodhi mes zonës Rimini Sud dhe rrugës “Flaminia Conca”, ku policia kishte vënë nën vëzhgim një 30-vjeçar shqiptar, i cili rezultonte banor i rregullt në Itali.

Gjatë kontrollit, ai tentoi të arratisej duke rrezikuar jetën e qytetarëve dhe duke përplasur një efektiv policie, por u neutralizua pas ndjekjes.

Gjatë operacionit, autoritetet sekuestruan mbi 1 kilogram kokainë, 35 gram hashash dhe rreth 500 mijë euro para cash. Në furgonin tip Fiat Doblo u zbulua edhe një hapësirë e fshehtë e ndërtuar me kujdes për transportin e drogës, çka tregon një nivel të lartë organizimi.

Hetimet tregojnë se i arrestuari nuk ishte një shpërndarës i zakonshëm, por pjesë e një strukture më të gjerë të trafikut të drogës. Lëvizjet e tij të monitoruara dhe mjetet e përdorura sugjerojnë një aktivitet të mirëorganizuar dhe profesional.

Autoritetet italiane theksojnë se raste të tilla tregojnë për një prani të fortë të rrjeteve të trafikut, ku shpesh përfshihen shtetas pa precedentë penalë, por të integruar në zinxhirë më të mëdhenj kriminalë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)