Policia e Tiranës ka mundur të zbardhë ngjarjen dhe të identifikojë autorët e plagosjes me armë zjarri të 34 vjeçarit Juxhin Hamajezi, ngjarje kjo e ndodhur dy ditë më parë.
Pas hetimeve në vendngjarje, policia ka identifikuar shtetasin Klodian Kallo 31 vjeç si autor kryesor të kësaj ngjarje, ndërkohë që janë shpallur në kërkim dhe 2 bashkëpunëtorët e tij, shtetasit Gjergji Lleshi 36 vjeç dhe Lulzim Mejdani 45 vjeç.
Shtetasi Juxhin Hamajezi, u paraqit dy ditë më parë në spital për ndihmë mjekësore, i plagosur në këmbë.
Ngjarja ka ndodhur në rrugën “Aleksandër Moisiu”, ku, sipas hetimeve të para, është regjistruar një përplasje e momentit mes të plagosurit dhe autorëve, e cila ka përfunduar me përdorimin e armës së zjarrit.
Juxhin Hamajezi rezulton një emër i njohur për policinë. Ai i ka mbijetuar më herët një atentati me armë zjarri në zonën e Kinostudios në vitin 2018 dhe ka qenë i arrestuar në lidhje me një rast të trafikimit të klandestinëve.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)