Marta Kos vlerëson reformat në Shqipëri: SPAK ka fituar besimin e qytetarëve

Komisionerja Europiane për Zgjerimin, Marta Kos ka vlerësuar progresin e Shqipëria në rrugën drejt anëtarësimit në Bashkimi Europian, gjatë zhvillimit të Konferencës së 8-të Ndërqeveritare Shqipëri-BE. Në deklaratën e saj, Kos theksoi se vendi ka arritur rezultate të rëndësishme në zbatimin e reformave, veçanërisht në sistemin e drejtësisë, duke e cilësuar këtë proces si një ndër shtyllat kryesore të integrimit europian.

Ajo nënvizoi se procesi i vettingut për gjyqtarët dhe prokurorët, së bashku me ngritjen e institucioneve të reja të drejtësisë, kanë ndikuar në uljen e ndikimit politik në sistemin gjyqësor dhe forcimin e shtetit të së drejtës. Sipas Komisioneres, një nga arritjet më të rëndësishme të reformës mbetet krijimi i SPAK, që sipas saj ka dëshmuar se mund të japë rezultate konkrete në luftën kundër korrupsionit dhe krimit të organizuar.

Ajo e cilësoi këtë si rezultat të një pune të gjatë reformuese që ka zgjatur më shumë se një dekadë. “Jemi këtu për të shënuar një hap të madh të Shqipërisë në procesin e anëtarësimit. Sot kemi vendosur objektivat e fundit dhe shtetet anëtare kanë përcaktuar piketat mbyllëse për kapitujt më të rëndësishëm, që lidhen me shtetin e së drejtës, drejtësinë, antikorrupsionin dhe luftën kundër krimit të organizuar”, u shpreh ajo.

Në përfundim, Marta Kos vlerësoi mbështetjen e qytetarëve shqiptarë për reformat në drejtësi, duke theksuar se efektet e procesit të integrimit europian duhet të ndihen drejtpërdrejt nga qytetarët e Shqipërisë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)