“O Zoja e Këshillit të Mirë mbroje Shqipërinë”, kryeministri Rama lutet në Vatikan

Kryeministri Edi Rama ka ndarë në rrjetet sociale disa momente të tjera gjatë vizitës që ai është duke zhvilluar në Vatikan.

Në një video, kreu i qeverisë, së bashku me familjarët e tij shfaqet duke u lutur në bazilikën e Zojës së Këshillit të Mirë, Regina di Albania, me një mesazh për Shqipërinë.

“O Mari, Nënë e ëmbël e Këshillit të Mirë, kaq e dashur për bijtë e Shqipërisë në atdhe dhe jashtë atdheut!

Sot po vijmë tek ti, edhe një herë, të ta besojmë popullin tonë, familjet tona, rininë tonë. Ti që je Zojë e Shkodrës dhe e mbarë Shqipërisë, na udhëhiq në rrugën e së mirës, na jep dritë në dyshime dhe ngushëllim në provat e jetës. Nën mbrojtjen tënde kërkojmë strehë, o Virgjër e bekuar.

Mbroje Shqipërinë, ndriço mendjet tona dhe na bëj të jemi gjithmonë besnikë ndaj Birit tënd, Jezusit.

O Zoja e Këshillit të Mirë, lutu për ne”, ishte lutja e kryeministrit Rama.

Gjatë vizitës në Vatikan, kryeministri Rama do të vizitojë Pallatin Apostolik të Vatikanit ku do të pritet në oborrin “San Damaso”, nga Prefekti i Shtëpisë Papnore dhe Zotërinj të Shenjtërisë së Tij. Po ashtu ai do të zhvillojë një takim me Papa Leonen në Bibliotekën Papnore të Pallatit Apostolik.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)