Milani vuan, por fiton ndaj Lazio-s, merr përkohësisht kryesimin

Milani ka triumfuar 1-0 ndaj Lazio-s në “San Siro”, duke e çuar në 13 ndeshje serinë pa humbje në të gjitha kompeticionet (9 fitore, 4 barazime) dhe duke ruajtur 8 herë portën e paprekur. Fitorja e sotme i ngjit kuqezinjtë përkohësisht në krye të Serie A, ndërsa konfirmon rikthimin e tyre në super formë.

Sfida nisi me rrezik të madh për vendasit, pasi Mario Gila iu afrua golit që në minutën e dytë, por Mike Maignan shkëlqeu me një pritje të jashtëzakonshme, duke devijuar topin në traversë. Portieri francez mbajti në këmbë skuadrën e tij edhe në minutën e 32-të, kur ndali Zaccagni-n nga një kënd i vështirë, ndërkohë që Milan vuante për të krijuar rrezik përpara portës kundërshtare.

Goli i vetëm i takimit erdhi në minutën e 51-të, kur Rafael Leão finalizoi një aksion të bukur të ndërtuar me Tomori-n, duke mposhtur Provedel-in. Kuqezinjtë kishin mundësi ta dyfishonin avantazhin, por u treguan të pasaktë në metrat e fundit.

Në fund, Lazio protestoi ashpër për një penallti të padhënë, çka solli edhe përjashtimin e Allegri-t, por rezultati mbeti i pandryshuar. Milan tashmë pret duelin Napoli–Roma për të mësuar nëse do ta mbyllë në krye muajin. Lazio, ndërkohë, vijon krizën jashtë fushe me vetëm një gol në shtatë transfertat e fundit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)