“Mos e merrni më Bastonin në kombëtare”, ish-kryeministri italian përfshihet në debatin Inter-Juve

Kartoni i kuq i Kalulu -t dhe simulimi i Bastonit janë dhe do të jenë një temë e nxehtë për një kohë të gjatë në Itali, pasi në një mënyrë apo tjetrën ndryshuan rrjedhën e derbit të Italisë, që në fund u fitua me rezultatin 3-2 nga Interi.

Juventus është siguruar që ankesat e tyre të dëgjohen gjatë pushimit dhe përsëri më pas. Mediat sociale shpërthyen, me gjyqtarin La Penna që u kritikua gjithashtu, ashtu si edhe mbrojtësi i Interit, i cili pagoi çmimin për atë tallje të kapur në kamera

Incidenti në këtë sfidë është komentuar edhe nga ish-kryeministri italian Enrico Letta, i cili me gjashtë fjalë lakonike deklaroi se sipas mendimit të tij Bastoni nuk duhet të thirret më në ekipin kombëtar të Axurëve.

Ish-kryeministri, i cili u rikthye në botën akademike pasi la postin e tij parlamentar, është gjithashtu një tifoz i njohur i futbollit dhe me sa duket e ndoqi ndeshjen e shumëpritur Inter-Juventus. “Bastoni nuk duhet të thirret në ekipin kombëtar”, shkroi ai në platformën ‘X’.

Ndeshja e radhës e Italisë është kundër Irlandës së Veriut dhe do të jetë gjysmëfinalja e fazës play off të Kupës së Botës 2026, një objektiv që ata duhet ta arrijnë absolutisht, me shpresën për një finale kundër Uellsit ose Bosnjës.

Një ide e tillë e porpozuar nga Letta sigurisht që nuk do t'i pëlqente Gattusos, i cili Bastonin e ka shtyllë të mbrojtjes në kombëtare.

Teknikisht, Bastoni mund të jetë në rrezik. Kjo për shkak se ekziston kodi i etikës i FIGC-së, i cili përcakton parimet dhe rregullat e përgjithshme të sjelljes etike për ata që jetojnë dhe punojnë në botën e futbollit italian.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)