Alarm të Kombëtarja, trajneri i Burnley e konfirmon: Broja është i dëmtuar!

Sulmuesi kuqezi, Armando Broja ka pësuar një dëmtim dhe kjo është arsyeja pse nuk luan prej thuajse dy javës me Burnley-n.

20.02.2026. 09:43

Alarm të Kombëtarja, trajneri i Burnley e konfirmon: Broja është i dëmtuar!

Trajneri i Burnley-t i ka dhënë një mesazh tronditës Shqipërisë para ndeshjeve play off të vlefshme për kualifikimin në Kupën e Botës 2026.

Ajo që përflitej prej disa ditësh për Armando Brojën është konfirmuar ditën e djeshme në një konferencë për mediat para ndeshjes së vlefshme për Premier League, nga Skot Parker.

Sulmuesi kuqezi ka pësuar një dëmtim dhe kjo është arsyeja pse nuk luan prej thuajse dy javës me Burnley-n. Sipas Parker, stafit mjekësor i duhej të ndërhynte për të rikthyer Brojën në formë.

“Nuk do të jetë në dispozicion për këtë takim. Për të qenë të drejtë, po kalon një problem prej disa javësh dhe duhet të ndërhynim. Nuk do të mungojë gjatë, shpresojmë për pak javë, por e sigurt është se nuk do të jetë për ndeshjen kundër Chelsea-t këtë fundjavë”, tha Parker, kur u pyet për sulmuesin shqiptar.

Dëmtimi i Brojës në këtë pikë të sezonit dhe mosaktivizimi tek Burnley është një kambanë alarmi për stafin e Kombëtares Shqiptare, me Sylvinho-n që ndoshta e kishte projektuar sulmuesin si titullar në sfidën ndaj Polonisë, që do të luhet më 26 mars.

Shkarkoni aplikacionin Newsmax Balkans:

Komente (0)