Avioni pësoi defekt teknik, shtyhet zbarkimi i Asllanit te Beşiktaş

Klubi i Beşiktaş njoftoi se zbarkimi i Kristjan Asllanit në Turqi është shtyrë për arsye madhore. Sipas informacioneve zyrtare të shpërndara, ata bënë të ditur se avioni, me të cilin mesfushori priste të udhëtonte nga Milano drejt Stambollit, nuk arriti të nisej për shkak të një defekti teknik.

Sipas njoftimit zyrtar të gjigandëve turq, fluturimi “TK1876” nga aeroporti Malpensa i Milanos drejt aeroportit të Stambollit pësoi vonesë dhe nuk mori leje për nisje. Klubi i Beşiktaş ka sqaruar se do të japë përditësime të mëtejshme lidhur me orarin e mbërritjes së mesfushorit shqiptar.

Asllani përfundoi përpara kohe huazimin të Torino në Serie A, me klubin “granata” që ka projekte të tjera për mesfushën. Ai do të luajë në Superligën turke në formë huazimi me të drejtë blerje, teksa skuadra bardhezi ka rënë dakord ti paguajë rrogën deri në qershor.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)