Zelensky akuzon Moskën: Kërkojnë të bombardojnë centralet bërthamore

Volodymyr Zelensky ka akuzuar Rusinë se po përgatitet të sulmojë centralet bërthamore ukrainase. Presidenti i Ukrainës e cilësuar këtë si provë se Moska nuk ka asnjë interes real për përfundimin e luftës përmes diplomacisë.

Sipas agjencisë “RBC-Ukraina”, Zelensky theksoi se autoritetet ukrainase disponojnë informacione konkrete mbi impiantet që Rusia po spiunon, në funksion të sulmeve të mundshme. “Nëse rusët do të donin vërtetë dhe seriozisht ti jepnin fund luftës, do të përqendroheshin te diplomacia, jo te sulmet me raketa, jo te lënia në errësirë e popullsisë dhe mbi të gjitha jo te përpjekjet për të dëmtuar madje edhe impiantet tona bërthamore”, deklaroi presidenti ukrainas.

Ndërkohë, kreu i sigurisë ukrainase Rustem Umerov njoftoi se Kievi ka zhvilluar bisedime thelbësore me përfaqësues amerikanë, përfshirë Jared Kushner, dhëndrin e presidentit Donald Trump dhe të dërguarin Steve Witkoff. Pas takimit në Miami, ku u diskutua plani i zhvillimit ekonomik dhe rreth garancive të sigurisë së Ukrainës, Umerov njoftoi se kontaktet do të vazhdojnë javën e ardhshme në Davos.

Ndërkohë, raportohen se të paktën pesë civilë janë vrarë dhe mbi 30 janë plagosur nga sulmet ruse gjatë orëve të fundit. Forcat ruse kanë vijuar të godasin infrastrukturën energjetike, duke e përkeqësuar situatën në këtë dimër shumë të ashpër. Nga situata e krijuar, autoritetet ukrainase do të shpallin gjendjen e emergjencës në fillim të kësaj jave.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)