Tjetër sulm në sinagogë, 4 të arrestuar në Roterdam

Një zjarr i qëllimshëm është regjistruar gjatë natës mes të enjtes dhe të premtes në një sinagogë në Rotterdam të Holandës. Sipas autoriteteve, ngjarja dyshohet të ketë qenë një akt i qëllimshëm, ndërsa policia ka ndërhyrë menjëherë për të hetuar rrethanat.

Forcat e rendit arrestuan katër persona pasi ndaluan një automjet të dyshimtë që po lëvizte pranë një tjetër sinagoge në qytet. Sipas policisë, përshkrimi i drejtuesit të automjetit përputhej me atë të njërit prej autorëve të dyshuar të sulmit të mëparshëm.

Të arrestuarit janë të rinj të moshës nga 17 deri në 19 vjeç. Autoritetet po vijojnë hetimet për të përcaktuar rolin e secilit prej tyre në këtë ngjarje dhe për të kuptuar motivet e mundshme të sulmit.

Deri më tani nuk është e qartë nëse katër të dyshuarit kishin planifikuar sulme të tjera ndaj vendeve të kultit në Rotterdam apo në zona të tjera. Policia ka rritur masat e sigurisë pranë objekteve fetare në qytet, ndërsa hetimet vijojnë për të zbardhur plotësisht incidentin.

Ndërkohë që një sulm i ngjashëm u regjistrua një ditë më parë në një sinagogë në Detroit në Shtetet e Bashkuara të Amerikës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)