Goditet “fabrika” e parave në Napoli, sekuestrohen 3 milionë euro të falsifikuara

Një shifër rekord prej rreth tre milionë eurosh të falsifikuara është sekuestruar nga policia italiane, në një ambient të përshtatur për prodhimin e tyre, në rajonin e Napolit.

Mediat përtej Adriatikut raportojnë se kartëmonedhat e falsifikuara 50 dhe 100 euro, me vlerë totale mbi 2,800,000 euro, u sekuestruan nga oficerët e Guardia di Finanza në Torre Annunziata, në një ndërtesë të mbyllur të përdorur si shtypshkronjë.

Gjithashtu u sekuestruan 12,000 holograme të falsifikuara për kartëmonedhat 50 dhe 100 euro, pllaka shtypi, korniza shtypi, një PC me pajisje ruajtjeje masive, printerë, tufa letre me filigran dhe materiale të tjera.

Sipas oficerëve, kartëmonedhat i ishin nënshtruar një procesi plakjeje për t'i bërë ato të dukeshin më të vjetra dhe më reale.

Gjithashtu u gjetën dhe u sekuestruan gjatë operacionit edhe 2.2 kg marihuanë dhe kanabis, ndërsa në pranga ra pronari i ambientit, një shtetas Italian.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)