“Mashtrimi persian”, bombat me vlerë miliona dollarë u hodhën mbi vizatimet e avionëve

Irani ka përdorur një taktikë të thjeshtë, por shumë efektive gjatë tensioneve ushtarake në Lindjen e Mesme. Sipas raportimeve të ndryshme, mes objektivave që kanë goditur avionët luftarakë të SHBA-ve dhe Izraelit, disa rezultuan që në fakt të ishin vetëm vizatime avionësh të pikturuara në pistat e aeroporteve.

Kjo metodë, e cilësuar si “mashtrimi klasik Persian”, përfshinte pikturimin në tokë të siluetave të avionëve luftarakë me bojë të zakonshme. Duke qenë se vizatimet ishin realizuar në mënyrë tredimensionale, nga ajri dhe nga imazhet e satelitëve ato dukeshin si avionë realë. Kjo ka bërë që ushtria amerikane dhe ajo izraelite të shpenzonin bomba me vlerë një milionë dollar secila, mbi vizatime kosto e të cilave ishte vetëm 5 dollarë. Sipas raporteve, në pistat iraniane u pikturuan silueta avionësh si F-14 dhe Mi-17, të cilat shërbyen si karrem për sulmet ajrore.

Foto nga web

Raketat i goditën këto objektiva të rreme, ndërsa avionët e vërtetë nuk ndodheshin aty. Pamjet satelitore të publikuara më vonë tregojnë kraterë shpërthimesh në asfalt pikërisht mbi vizatime, por aty nuk kishte mbetje të avionëve realë. Analiza të ndryshme ushtarake dhe video të publikuara në internet sugjerojnë se taktika synonte të shpërdoronte municionet e shtrenjta të kundërshtarëve duke përdorur një mashtrim shumë të lirë. Taktika e iranianëve është konfirmuar edhe nga analiza dhe videot e Forcave Izraelite të Mbrojtjes.

Foto nga web

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)