Sulmi në shkollën iraniane, inteligjenca amerikane kishte të dhëna të vjetra

Një hetim paraprak i ushtrisë amerikane ka zbuluar se sulmi ndaj shkollës fillore Shajareh Tayyiba në Iran, më 28 shkurt, ndodhi aksidentalisht për shkak të të dhënave të vjetëruara të inteligjencës.

Sipas CNN, që citon disa burime ushtarake, për këtë sulm u përdorën disa imazhe të vjetra nga

Agjencia e Inteligjencës së Mbrojtjes të vitit 2013 dhe 2016 që tregonin se shkolla dhe baza ushtarake kishin qenë pjesë e një kompleksi, por më vonë ishin ndarë më një gardh.

Nga lëshimi i raketave në drejtim të këtij objekti të paktën 168 fëmijë u vranë dhe shumë të tjerë mbetën të plagosur.

Komanda Qendrore e SHBA-së krijoi koordinatat e objektivit për sulmin duke përdorur informacion të vjetëruar të ofruar nga Agjencia e Inteligjencës së Mbrojtjes, gjë që kontribuoi në gabim, thanë për CNN burimet e informuara mbi gjetjet paraprake.

New York Times raportoi për herë të parë detajet e hetimit paraprak, i cili është ende në vazhdim.

Presidenti Trump kishte pohuar më parë se Irani mund të ishte fajtor për sulmin, megjithëse kur u pyet pse askush në administratën e tij nuk dukej se po e mbështeste publikisht këtë pretendim, ai u përgjigj: “ Sepse thjesht nuk di mjaftueshëm për këtë. ”

Sekretari i Mbrojtjes Pete Hegseth tha të martën se sulmi do të hetohet me kujdes, duke shtuar se SHBA-të kanë bërë çdo përpjekje të mundshme për të shmangur viktimat civile.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)