Qëllon 4500 fishekë në minutë, arma e jashtëzakonshme që mbron ambasadën e SHBA në Bagdad

Ambasada e Shtetet e Bashkuara të Amerikës në Bagdad ka aktivizuar sistemin e avancuar të mbrojtjes ajrore për të zmbrapsur predhat iraniane që e kanë sulmuar gjatë këtyre ditëve për shkak të luftës në Iran.

Sipas raportimeve, objekti diplomatik u mbrojt nga sistemi C-RAM, një armë e fuqishme Gatling 20 mm e aftë të qëllojë deri në 4,500 fishekë në minutë.

Ky sistem është i pajisur me radarë, sensorë dhe module komunikimi, duke mundësuar identifikimin dhe shkatërrimin e shpejtë të objektivave ajrore. I montuar në një platformë të lëvizshme prej rreth 35 tonësh, C-RAM siguron fleksibilitet dhe reagim të menjëhershëm në situata kërcënuese.

Sipas prodhuesit General Dynamics, fishekët 20 mm kanë aftësi të kombinuara shpërthyese dhe depërtuese, duke goditur objektiva deri në 2,000 metra distancë. Një veçori e rëndësishme është mekanizmi vetëshkatërrues, që parandalon dëmet kolaterale nëse objektivi nuk goditet.

C-RAM është zhvilluar nga sistemi detar Phalanx CIËS, i përdorur si linjë e fundit mbrojtjeje për anijet luftarake. Që nga viti 2004, ky sistem është përdorur gjerësisht për mbrojtjen e bazave amerikane në rajone konflikti si Iraku dhe Afganistani.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)