Nëpër botë
Sulm i rëndë në qytetin turk, vriten 4 persona, plagosen 8 të tjerë
Mësohet se gjatë arratisjes ai vrau edhe një bari që po kulloste delet në afërsi, si dhe një shofer kamioni.
21:18 1 ditë më parë18.05.2026.
AutoriNjë javë pas Trump, Putin mbërrin në Pekin, pritje ushtarake nga Xi dhe për liderin rus
Presidenti rus Vladimir Putin ka mbërritur në Pekin, ku nesër do të takohet me homologun e tij kinez Xi Jinping dhe do të diskutojë marrëdhëniet dypalëshe, bashkëpunimin në fusha të ndryshme dhe çështje ndërkombëtare dhe rajonale.
19.05.2026. 19:22
Në Pekinin e blinduar me forca të shumta policie dhe ushtrie ka nisur zyrtarisht vizita e Presidentit rus Vladimir Putin, i cili mbërriti në kryeqytetin të martën në mbrëmje sipas orës lokale.
Kreu i Kremlinit pritet në një vizitë zyrtare në Kinë me ftesë të homologut Xi Jinping. Në aeroport, presidenti rus shkëmbeu një shtrëngim duarsh të ngrohtë me Ministrin e Jashtëm kinez Wang Yi, një skenë e ngjashme me atë të pak ditëve më parë, kur në tokën kineze shkeli Presidenti amerikan Donald Trump.
Një paradë ushtarake u realizua në shenjë nderimi për Putin, ndërsa fëmijë të rreshtuar rreth avionit presidencial dhe tapetit të kuq, valëvitnin flamuj kinezë dhe rusë për ta mirëpritur.
Foto: AP/Vladimir Smirnov, Sputnik, Kremlin Pool Photo
Kjo është vizita e 25-të e Putinit në Kinë. Gjatë vizitës, të dy udhëheqësit do të diskutojnë marrëdhëniet dypalëshe, bashkëpunimin në fusha të ndryshme dhe çështje ndërkombëtare dhe rajonale me interes të përbashkët, sipas Ministrisë së Jashtme kineze.
Zëdhënësi i Ministrisë së Jashtme kineze deklaroi se të dy vendet do të shfrytëzojnë rastin për të thelluar dhe përmirësuar më tej marrëdhëniet e tyre.
Kjo shënon herën e parë që Kina ka pritur udhëheqës të Rusisë dhe SHBA-së në të njëjtin muaj.
Takimi i fundit Putin-Xi u zhvillua në shkurt nëpërmjet lidhjes video, ndërsa të dy udhëheqësit janë planifikuar të takohen të mërkurën.
Foto: AP/Vladimir Smirnov, Sputnik, Kremlin Pool Photo
Putin po kryeson një delegacion më të madh zyrtarësh dhe udhëheqësish biznesi nga Rusia. Temat në agjendë përfshijnë marrëdhëniet dypalëshe, luftën SHBA-Iran dhe energjinë, ndërsa krahas delegacioneve të tyre, Putin dhe Xi do të diskutojnë “kokë më kokë” për hidrokarburet, furnizimet me gaz dhe tubacionin e propozuar "Fuqia e Siberisë 2", sipas Kremlinit.
Të dy udhëheqësit pritet gjithashtu të nënshkruajnë një deklaratë të përbashkët pas bisedimeve dhe marrëveshjeve të tjera. Putin më vonë do të takohet me Kryeministrin kinez Li Qiang për të diskutuar bashkëpunimin tregtar dhe ekonomik.
Foto: AP/Vladimir Smirnov, Sputnik, Kremlin Pool Photo
Përpara mbërritjes së Putinit, zëvendëskryeministri kinez Ding Xuexiang u takua gjithashtu të martën me zëvendëskryeministrin e parë rus Denis Manturov.
Sakaq, përpara udhëtimit, Putin tha se marrëdhëniet midis Moskës dhe Pekinit kishin arritur një "nivel të paparë" dhe theksoi se partneriteti "nuk ishte i drejtuar kundër askujt". Në një video-mesazh të publikuar para nisjes për në Pekin, Putin e përshkroi Xi si një "mik të mirë".
Foto: AP/Vladimir Smirnov, Sputnik, Kremlin Pool Photo
Udhëheqësi rus vlerësoi gjithashtu lidhjet ekonomike, duke vënë në dukje se tregtia dypalëshe midis dy vendeve tejkaloi 200 miliardë dollarë dhe se marrëveshjet tani kryhen "pothuajse tërësisht në rubla dhe juan" duke shmangur dollarin.
Shkarkoni aplikacionin Newsmax Balkans:
Komente (0)