Dronë e raketa pa ndalim drejt Izraelit, SHBA shënjestron armët iraniane që rrethonin Hormuzin

Ka qenë një natë e mbushur me sinjale alarmi ajo e mbrëmshmja në Izrael, ku qindra raketa iraniane kanë shpërthyer në qiell nga mbrojtja ajrore “Iron Dome”.

Megjithatë, raportohet se nga fragmentet  raketave dhe dronët e regjimit iranian kanë shkaktuar dëme dhe viktima në rrethinat e Tel Avivit dhe Jerusalem.

Një raketë ka shpërthyer në Ramat Gan, duke lënë pas dy të vdekur, ndërkohë që në objektivin e sulmeve ka qenë dhe një stacion hekurudhor, ku dy persona mbetën të plagosur.

Copa të raketave janë gjetur në orët e para të mëngjesit dhe në një shkollë pranë Jeruzalemit.

Ndërkohë, ushtria amerikane njofton se në orët e fundit ka bombarduar me sukses dhjetëra pozicione raketash iraniane që ishin vendosur në brigjet e Hormuzit dhe shënjestronin anijet që kalonin.

Sipas CentCom gjatë këtyre sulmeve u përdorën disa armë speciale që shkatërruan raketa kruz në zonë që ishin kthyer në kërcënimin kryesor të rrugës më të rëndësishme tregtare detare.

Në një zhvillim tjetër, shefi i ushtrisë iraniane, gjenerali Amir Hatami premtoi se do të ketë hakmarrje për vrasjen e kreut të Këshillit Suprem të Sigurisë Kombëtare, Ali Larijani  dhe të gjithë martirët që derdhën gjakun e tyre gjatë sulmeve të SHBA dhe Izraelit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)