Shembet skela në një kantjer në Austri, tre nga viktimat janë shqiptarë

Një aksident i rëndë është regjistruar në një kantier ndërtimi në Vjenë të Austrisë ku të paktën 4 punëtorë humbën jetën, teksa disa të tjerë mbetën të plagosur.

Ngjarja ka ndodhur në distriktin Alsergrund dhe sipas raportimeve, tre nga viktimat janë shqiptarë nga Kosova.

Lajmi konfirmohet nga ambasada e Kosovës në Austri e cila bën me dije se viktimat janë Pajtim Bajrami, Asllan Musliu dhe Istref Zekaj.

“Ambasada e Republikës së Kosovës në Austri shpreh dhimbjen e thellë dhe ngushëllimet më të sinqerta për familjet e viktimave, si dhe për të gjithë ata që janë prekur nga kjo tragjedi. Jemi në komunikim të vazhdueshëm me autoritetet austriake dhe po ndjekim nga afër çdo zhvillim lidhur me rastin.

Në të njëjtën kohë, jemi të angazhuara për të ofruar të gjithë mbështetjen e nevojshme për familjarët e viktimave. Do të vazhdojmë t’ju informojmë për çdo zhvillim të ri lidhur me këtë rast”, thuhet në njoftimin e Ambasadës.

Sipas mediave austriake, skela është dëmtuar nga betoni dhe të gjithë punëtorët që ndodheshin në të kanë rënë në oborrin e një shtëpi.

Autoritetet austriake kanë rrethuar zonën dhe po punojnë për zbardhjen e kësaj ngjarje të rëndë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)