“U goditën dy objekte bërthamore”, Irani jep detaje nga shkalla e dëmtimeve

Mediat iraniane kanë deklaruar së fundmi se dy objekte të lidhura me programin bërthamor të Iranit janë goditur nga sulme të përbashkëta të SHBA dhe Izraelit.

Agjencia shtetërore iraniane e lajmeve, IRNA, njofton në Telegram se kompleksi i ujit të rëndë në Khondab, në verilindje të Iranit, është goditur nga forcat amerikane dhe izraelite.

Një zyrtar nga Provinca Markazi i cituar nga IRNA konfirmoi se nuk ka pasur viktima nga sulmi.

Një goditje e dytë ka prekur fabrikën e prodhimit në Ardakan, provinca Yazd, ku autoritetet raportojnë se nuk ka pasur çlirim të materialit radioaktiv jashtë zonës së goditur.

Sulmet ndodhin në një kohë kur tensionet ndërkombëtare rreth programit bërthamor iranian dhe marrëdhënieve të Teheranit me Shtetet e Bashkuara dhe Izraelin janë rritur ndjeshëm.

Autoritetet iraniane nuk kanë dhënë detaje shtesë mbi shkallën e dëmeve materiale, ndërsa komuniteti ndërkombëtar po monitoron situatën me shqetësim për sigurinë rajonale dhe pasojat potenciale mbi stabilitetin bërthamor.

Një ditë më parë, presidenti amerikan, Donald Trump deklaroi se do të shtyjë me 10 ditë sulmet ndaj infrastrukturës së rëndësishme në Iran për t’i dhënë mundësi diplomacisë të bëjë detyrën e saj për t’i dhënë fund konfliktit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)