“E drejta për vetëmbrojtje ndaj kërcënimeve gjatë lundrimit”, SHBA dorëzon draft të ri në OKB për Ngushticën e Hormuzit

Shtetet e Bashkuara të Amerikës kanë rishikuar një projekt-rezolutë të paraqitur në Organizatën e Kombeve të Bashkuara, duke i kërkuar Iranit të ndalojë sulmet dhe vendosjen e minave në Ngushticën e Hormuzit. Sipas mediave amerikane, drafti i përditësuar nuk përfshin më referencën e Kapitullit VII të Kartës së OKB-së, i cili do të lejonte masa detyruese që shkojnë nga sanksionet deri te përdorimi i forcës ushtarake.

Megjithatë, teksti ruan një gjuhë të ashpër ndaj Teheranit dhe thekson se shtetet anëtare të OKB-së kanë të drejtë të mbrojnë anijet e tyre nga sulmet dhe kërcënimet, që cenojnë lirinë e lundrimit ndërkombëtar. Formulimi i ri “riafirmon të drejtën e shteteve anëtare për të mbrojtur anijet e tyre”, duke përfshirë edhe rastet kur rrezikohet siguria e lundrimit në këtë zonë strategjike.

Miratimi i rezolutës mbetet i pasigurt, pasi Rusia dhe Kina pritet të kundërshtojnë tekstin në Këshillin e Sigurimit të OKB-së. Më herët, një rezolutë e ngjashme e mbështetur nga SHBA dështoi në muajin prill, pikërisht sepse Rusia dhe Kina përdorën të drejtën e vetos për ta bllokuar atë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)