Punonjësja shkarkohet nga puna, shefi u mërzit pasi ajo shkonte 40 minuta më herët

Një punonjëse 22-vjeçare nga Spanja është shkarkuar për një arsye që shumë shefa normalisht do ta vlerësuar madje edhe me një pagë më të lartë. Gruaja kishte zakon të mbërrinte në zyrë midis orës 6:45 dhe 7:00, plot 40 minuta para se të fillonte turni i saj në 7:30. 

Sipas raportimeve, ajo ishte paralajmëruar disa herë që të mos hynte ose të mos fillonte punën para orës zyrtare, por vazhdoi të arrinte shumë herët, shpesh pa asnjë detyrë për të bërë. Pas 19 rasteve të tilla dhe pas disa paralajmërimeve me shkrim dhe gojarisht, shefi i saj vendosi ta shkarkonte për shkelje të rënda të disiplinës, duke argumentuar se rutina e saj nuk kontribuonte në punë dhe shkelte udhëzimet e kompanisë. 

Gjykata e Alikantit mbështeti vendimin e punëdhënësit, duke theksuar se problemi nuk ishte saktësia e saj, por refuzimi i vazhdueshëm për të respektuar rregullat e vendit të punës, një shkelje serioze sipas Nenit 54 të Statutit të Punonjësve në Spanjë. Gjithashtu, punonjësja ishte akuzuar për një shkelje të besimit duke shitur pa leje një bateri të përdorur të kompanisë. 

Rasti ka shkaktuar debat të gjerë në rrjetet sociale, ku shumë përdorues u habitën se mbërritja herët mund të çojë në shkarkim. Ekspertët e punësimit theksojnë se kompanitë kanë të drejtë të vendosin rregulla të qarta hyrjeje dhe të sanksionojnë shkeljet e përsëritura. Gruaja mund të apelojë në Gjykatën Supreme të Valencias, por për momentin vendimi mbetet në fuqi. 

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)