Pallonjtë shkaktojnë... luftë civile në një fshat italian

Fshati italian Punta Marina është ndarë në dy pjesë për shkak të pallonjve që enden lirisht në zone, të cilët po nxisin kështu një “luftë civile”.

Shumë banorë i konsiderojnë ata një simbol të zonës dhe të tjerë protestojnë për britmat e forta dhe dëmet që shpendët shkaktojnë.

Çështja u raportua në televizionin publik italian Rai 1 dhe në emisionin “Vita in Diretta”. Nga njëra anë janë ata që i konsiderojnë pallonjtë një simbol të fshatit dhe një pjesë integrale të identitetit lokal, ndërsa nga ana tjetër janë banorët që ankohen për britmat e tyre të forta natën, si dhe për dëmtimin e kopshteve dhe oborreve.

“Nuk na lënë të flemë”, thonë ata që i kërkojnë bashkisë të ndërmarrë veprime për t’i ndalur shpendët.

Sipas raportit, bashkia po shqyrton madje mundësinë e zhvendosjes së zogjve për arsye pastërtie dhe higjiene publike, ndërsa organizatat për mirëqenien e kafshëve dhe banorët po kërkojnë që ata të qëndrojnë në zonë dhe të gjendet një mënyrë për bashkëjetesë harmonike.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)