Angelina Jolie fiton gjyqin me Brad Pitt për vreshtin 184 mln euro në Francë

Aktorja Angelina Jolie ka fituar betejën ligjore me ish-bashkëshortin e saj Brad Pitt për punishten e tyre të verës dhe vreshtin në Francë.

Mosmarrëveshjet për Château Miraval me vlerë 184 milionë dollarë filluan dhjetë vjet më parë, pas ndarjes së ish-çiftit të Hollivudit, por ato të marrin zgjidhje pasi Gjykata ne Los Anxhelos ka vendosur se aktorja 50-vjeçare nuk është e detyruar t'i dorëzojë palës së Pitt, 22 email-e që lidhen me çështjen.

Vendimi rrëzoi një urdhër të mëparshëm të dhjetorit 2025, me vendimin e gjykatës që dokumentet në fjalë përmbanin strategji ligjore dhe për këtë arsye ishin të mbrojtura.

Avokati i Jolie, Paul Murphy, e quajti zhvillimin një "fitore të rëndësishme", duke argumentuar se Pitt u përpoq të fitonte akses në materiale të privilegjuara që nuk duhej të ishin dhënë. Nga ana tjetër, njerëz pranë Brad Pitt argumentuan se ky është një zhvillim i përkohshëm, i cili thjesht vonon zbulimin e informacionit thelbësor.

Megjithatë, gjykata nuk e justifikoi plotësisht Jolie-n, pasi hodhi poshtë kërkesën e saj për 34,000 dollarë gjoba kundër avokatëve të aktorit. Mosmarrëveshja për Château Miraval, ka vazhduar prej një dekade, me të dyja palët që nuk pajtohen si për shitjen e një pjese të pronës ashtu edhe për menaxhimin e saj pas ndarjes së tyre.

Në të njëjtën kohë, ka një mosmarrëveshje të re për kohën kur do të fillojë gjyqi, me Jolie që sugjeron vjeshtën e vitit 2027 dhe Pitt që dëshiron një gjyq më të hershëm. Ish-çifti, i cili u takua në sheshxhirimin e filmit "Mr. & Mrs. Smith", u nda në vitin 2016 dhe finalizoi divorcin e tyre në vitin 2024.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)