Nga Kolumbia në Elbasan për prostitucion, kapen 3 vajzat e reja

Policia e Elbasanit bën me dije se ka ndërmarrë një operacion kundër prostitucionit, në fund të të cilit u arrestuan 3 shtetase kolumbiane.

Në kuadër të operacionit “Transit”, u zbulua se këto shtetase kishin marrë me qira dy apartamente në qytetin e Elbasanit, ku ushtronin këtë veprimtari të paligjshme.

Operacioni u zhvillua nga Seksioni për Hetimin e Trafiqeve në bashkëpunim me Seksionin për Mbështetjen Operacionale të Hetimit, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan.

Në pranga ranë D. P., 20 vjeçe, D. M., 18 vjeçe, J. D., 34 vjeçe të cilat dyshohet se kontaktonin me klientët përmes faqeve të internetit.

Gjithashtu, në gjendje të lirë u procedua penalisht M. J., 34 vjeçe, pronare e njërit prej apartamenteve, për veprën penale “Mbajtja e ambienteve për prostitucion”.

Gjatë kontrolleve në ambientet ku zhvillohej aktiviteti i paligjshëm, Policia sekuestroi shuma parash në valuta të ndryshme, të dyshuara si të përfituara nga kjo veprimtari dhe dokumente identifikimi.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)