Ndryshime në Policinë e Shtetit, ja drejtuesit e rinj në Korçë, Lezhë e Durrës

Një valë ndryshimesh ka përfshirë strukturat drejtuese të Policisë së Shtetit, duke prekur disa nga drejtoritë vendore në vend. Vendimet janë marrë në kuadër të riorganizimit të brendshëm dhe vlerësimit të performancës së strukturave në terren.

Mësohet se Vilson Bala është emëruar Drejtor i Drejtorisë Vendore të Policisë Korçë, ndërsa Islor Islami është caktuar përkohësisht në krye të Drejtorisë Vendore të Policisë Lezhë. Po ashtu, drejtimin e Policisë së Durrësit do ta mbajë përkohësisht Afrim Tafa.

Ndërkohë, zhvillime ka pasur edhe në Drejtorinë Vendore të Policisë Elbasan. Dorëheqja e drejtorit aktual, drejtues Fatmir Hoxha, nuk është pranuar. Drejtori i Përgjithshëm i Policisë së Shtetit, drejtues Madhor Ilir Proda, ka vendosur të revokojë dorëheqjen, duke vlerësuar rezultatet e larta të arritura nga kjo drejtori gjatë periudhës së fundvitit 2025.

Për pasojë, Fatmir Hoxha do të vijojë të qëndrojë në detyrën e Drejtorit të Drejtorisë Vendore të Policisë Elbasan, ndërsa ndryshimet e tjera pritet të ndikojnë në forcimin e menaxhimit dhe eficiencës së strukturave policore në qarqet përkatëse.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)