Xhaxhai dhe i vëllai e rrëmbejnë dhe e dhunojnë 30-vjeçaren, në hetim 4 persona

Një 30-vjeçare është marrë me forcë në automjet nga vëllai dhe xhaxhai i saj dhe më pas është dhunuar fizikisht në banesën e këtij të fundit.

Sipas burimeve policore ngjarja ka ardhur  si pasojë e një konflikti në familje. Hetimet kanë nisur dhe për një tjetër person që ka qenë në dijeni të ngjarjes, por nuk ka kallëzuar në polici. 

"Specialistët për Hetimin e Krimeve të Komisariatit të Policisë Gjirokastër referuan materialet në Prokurori, ku nisi procedimi penal për shtetasit A. A., 34 vjeç, S. A., 53 vjeç dhe E. M., 51 vjeç, të tre banues në Tiranë, si dhe për shtetasin L. L., 43 vjeç, banues në Këlcyrë, pasi dyshohet se si pasojë e një konflikti në familje, shtetasit A. A., S. A. dhe E. M. kanë marrë me forcë, në automjet, motrën e 34-vjeçarit, njëkohësisht mbesë e 53-vjeçarit. Më tej, dyshohet se 30-vjeçarja është dhunuar nga vëllai dhe xhaxhai i saj, në banesën e këtij të fundit. Gjithashtu, dyshohet se 43-vjeçari ka patur dijeni për rastin, dhe nuk ka kallëzuar në polici", thotë policia.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)