“Policët kumarxhinj”, zbulohen 6 efektivë, jepen masat, një prej tyre RENEA

Agjencia e Mbikëqyrjes Policore ka ekzekutuar masën e dhënë nga Gjykata e Elbasanit për 6 efektivë policie të cilët dyshohet se janë përfshirë në aktivitetin e paligjshëm të lojërave të fatit.

Kështu gjykata ka caktuar masën e sigurisë arrest shtëpie për nënkomisarin R.T., me detyrë Specialist për krimet, pranë Stacionit të Policisë Manëz. Inspektorin E.K., me detyrë Ndihmës Specialist / Kontrollor pranë Stacionit të Policisë Kufitare Morinë dhe shtetasin I.T., banues në Tiranë.

Ndërkohë që për efektivët e tjerë është dhënë masa e ndalimit të daljes jashtë shtetit dhe detyrim për t’u paraqitur në policinë gjyqësore”.

Këto janë:  Komisar D.S., me detyrë Shef i Seksionit për hetimin e krimeve në volum në Komisariatin e Policisë Devoll. Nënkomisari A.M., me detyrë Përgjegjës turni pranë Stacionit të Policisë Kufitare Morinë. Inspektori G.B., me detyrë Ndihmës Specialist / Kontrollor pranë Stacionit të Policisë Kufitare Morinë dhe Inspektori E.D., me detyrë Trupë shërbimi operacional pranë Seksionit Special të Ndërhyrjes Taktike, në njësinë speciale “Renea”.

Sipas hetimeve, efektivët e policisë, duke shfrytëzuar detyrën, kanë organizuar dhe favorizuar ushtrimin e lotarive të palejuara basteve sportive, duke konsumuar elementët e veprave penale “Organizimi ose ushtrimi i veprimtarisë së lojërave të fatit në kundërshtim me ligjin” dhe “Shpërdorim i detyrës”, parashikuar nga neni 197/25 dhe 248 i Kodit Penal.

Në funksion të veprimeve proceduriale u sekuestruan 7 telefona celularë, të cilët dyshohet të jenë përdorur për kryerjen e aktivitetit kriminal.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)