Aksident në Korçë, makina godet gruan në vijat e bardha

Një aksident rrugor është regjistruar pasditen e kësaj të mërkure në qytetin e Korçës, ku një e moshuar ka mbetur e plagosur pasi është përplasur nga një automjet.

Ngjarja ka ndodhur në rrethrrotullimin pranë Stadiumi Skënderbeu, një zonë me qarkullim të dendur automjetesh dhe këmbësorësh. Sipas informacioneve paraprake, një mjet tip “Benz” ka përplasur të moshuarën teksa ajo po kalonte në vijat e bardha.

Menjëherë pas aksidentit, në vendngjarje kanë mbërritur shërbimet e policisë dhe ambulanca, e cila e ka transportuar të lënduarën drejt spitalit rajonal të Korçës.

Burime spitalore bëjnë me dije se ajo po merr ndihmë mjekësore dhe ndodhet nën kujdesin e mjekëve, ndërsa pritet një vlerësim më i detajuar mbi gjendjen e saj shëndetësore.

Policia ka nisur hetimet për të zbardhur rrethanat e plota të aksidentit, si dhe për të përcaktuar përgjegjësinë e drejtuesit të mjetit. Paraprakisht dyshohet se përplasja mund të ketë ndodhur si pasojë e mosrespektimit të përparësisë për këmbësorët në vijat e bardha.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)