Kanabisi gati për mbjellje, zbulohet sera në Malësinë e Madhe

Policia ka intensifikuar kontrollet në territor për mbjelljen e kanabisit. Së fundmi është zbuluar një serë në Malësinë e Madhe, ne fshatin Bratosh, ku janë gjetur të mbjellë në kubikë fara kanabis sativa.

NJOFTIMI I PLOTE

Kontrolle intensive në të gjithë territorin e qarkut, për parandalimin dhe goditjen e tentativave për kultivim të bimëve narkotike.

Zbulohen në fshatin Bratosh dhe sekuestrohen platforma polistiroli në të cilat ishin mbjellë fara të dyshuara narkotike Cannabis Sativa. 

Në zbatim të masave të ndërmarra në kuadër të planit operacional “Faza e parë”, për parandalimin dhe goditjen që në fazë fillestare të tentativave për kultivimin e bimëve narkotike, shërbimet e Komisariatit të Policisë Malësi e Madhe kanë goditur një rast të kësaj veprimtarie kriminale, në fshatin Bratosh.  

Në territorin e këtij fshati, u gjetën platforma polistiroli në të cilat ishin mbjellë fara të dyshuara narkotikë kanabis. 

Platformat me fara kanabisi u shkatërruan gjatë operacionit ndërsa një pjese u sekuestrua në cilësinë e provës materiale.       
Vijon puna për identifikimin dhe nxjerrjen përpara përgjegjësisë penale të autorëve të kësaj veprimtarie kriminale.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)