“Shtëpia ime është PD”, Salianji nga Lezhë: Do ta ndryshojë partinë, lideri largohet kur humb zgjedhjet

Ish-deputeti i Partisë Demokratike, Ervin Salianji, ka vijuar turin e takimeve me bazën e mbështetësve të PD-së, duke u ndalur këtë herë në qytetin e Lezhës, ku mbajti një fjalim të fuqishëm dhe kritik ndaj lidershipit aktual të partisë. Ai e cilësoi sallën e mbushur me demokratë si një mesazh për sistemin që po bie nën peshën e korrupsionit dhe theksoi rëndësinë e bashkimit të demokratëve dhe të gjithë popullit opozitar.

Salianji kritikoi lidershipin e PD-së, duke e përshkruar atë si të larguar nga baza dhe të fokusuar te privilegjet e veta, ndërkohë që demokratët vazhdojnë të jenë aktivë dhe të vendosur për ndryshim. Ai tha se “E shohim si 5 fantastikët që rrinë në lidershipin e PD nuk dëgjojnë shqetësimet e demokratëve” dhe nënvizoi se forca e partisë vjen nga vota dhe mbështetja e anëtarësisë, duke shtuar se asnjë lider nuk mund t’i pengojë demokratët për të sfiduar qeverinë aktuale.

LEXO MË SHUMË

Politikë

Salianji nga Korça: Rrogëtarët duan të mbajnë peng partinë

Nga Korça, ku u prit nga qindra demokratë, Salianji nuk kurseu akuzat ndaj qeverisë, por as ndaj lidershipit aktual të PD-së.

18:03 8 ditë më parë10.01.2026.

Autori

Politikë

Salianji vazhdon takimet me demokratët, Foltorja e radhës zhvillohet në Korçë

Ervin Salianji do të vazhdojë të zhvillojë takime me demokratët dhe qytetarët që mbështesin opozitën edhe në 2026. Ndalesa e radhës e tij do të jetë në Korçë.

12:02 9 ditë më parë09.01.2026.

Autori

Salianji iu përgjigj edhe Sali Berishës, duke theksuar se Statuti i PD nuk njeh përjashtim për mendimin ndryshe dhe parashikon largimin e lidershipit kur humbet zgjedhjet. Ai gjithashtu mohoi krijimin e një force tjetër politike, duke deklaruar se “Shtëpia ime është PD dhe do ta ndryshojmë partinë, do ta bëjmë fituese.”

Gjatë fjalës së tij, ish-deputeti bëri thirrje për reflektim dhe përfshirje aktive të demokratëve në vendimmarrje, duke kritikuar humbjet zgjedhore dhe promovimin e individëve që nuk përfaqësojnë bazën. Ai theksoi se do të vijojë takimet në çdo skaj të Shqipërisë për të çuar përpara rrugëtimin e bashkimit të opozitës dhe për të rikthyer normalitetin dhe fitore në PD.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)