Kuvendi nis sot sesioni i ri parlamentar

Sesioni i dytë i Legjislaturë së XI të Kuvendit nis sot, me Konferencën e Kryetarëve që mbahet në orën 11.00 e më pas me seancën plenare pasdite, në orën 17.00.

Siç ka njoftuar zyra e shtypit e Kuvendit më herët, në rendin e ditës së Konferencës së Kryetarëve përfshihet shqyrtimi dhe miratimi i projektprogramit dhe projektkalendarit të punimeve të Kuvendit, si dhe i projektkalendarit të ushtrimit të kontrollit parlamentar, në përputhje me dispozitat përkatëse të Rregullores. 

Ndërsa në seancë plenare, do të ketë rend dite procedurial, i cili përfshin miratimin e procesverbalit të seancës së mëparshme si dhe njoftime, në përputhje me Rregulloren e Kuvendit.

Sakaq, mbledhja e Këshillit për Rregulloren, Mandatet dhe Imunitetin do të jetë më 28 janar në orën 12.00 për kërkesën e SPAK për imunitetin e Belinda Ballukut. 

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)