"Ligje shkel e shko", tensione në Konferencën e Kryetarëve

Konferenca e Kryetarëve është përfshirë nga tensionet mes maxhorancës dhe opozitës lidhur me agjendën parlamentare. 

Opozita pretendon shkelje të rregullave parlamentare, deformim të procesit të integrimit europian.

Jorida Tabaku është shprehur gjatë mbledhjes se Parlamenti nuk po funksionon dhe se integrimi nuk bëhet me ligje shkel e shko. 

"Fakti që sesioni i kaluar u mbyll pa u diskutuar mandati i zëvendëskryeministrit tregon qartë mënyrën se si shumica socialiste po e trajton drejtësinë", mësohet të jetë shprehur Tabaku.

Edhe Tedi Blushi i Partisë së Lirisë ka kërkuar që sesioni i ri parlamentar të nis me heqjen e imunitetit të zv.kryeministres Belinda Balluku dhe dorëzimin e saj para drejtësisë. 

"I keni dhënë 6 javë kohë Belinda Ballukut për të prishur provat dhe intimiduar dëshmitarët. Vijimi i të qenit Zv/Kryeministre është promovim dhe mbrojtje e korrupsionit dhe pandëshkueshmërisë. Me mbrojtjen e Ballukut nuk po provokoni opoziten por te gjithe shqiptaret qe po vidhen barbarisht nga ju. Ju keni premtuar se do miratoni cdo kerkese te SPAK per dhenie autorizimi. Nuk po mbroni Ballukun por aferat e Edi Rames. Mos e perdorni mandatin e deputetit per te mbrojtur krimet e shefit tuaj. Dënoj shkeljen e rëndë të rregullores nga Peleshi që duhet të mbajë përgjegjësi penale për shkeljen e rregullores dhe Kushtetutës për çështjen Balluku", është shprehur ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)