Berisha reagon ndaj raportuesit Schieder: As molotovë, as stabilokraci, kërkojmë standard europian

Kreu i Partisë Demokratike, Sali Berisha, ka reaguar ndaj deklaratës së raportuesit për Shqipërinë në Parlamentin Europian, Andreas Schieder, duke theksuar se Shqipëria nuk ka nevojë as për “demokraci me molotovë”, por as për një “stabilokraci” që mbron pushtetin në kurriz të ligjit.

Berisha u shpreh këtë të premte se priste nga Brukseli një qëndrim më të fortë ndaj qeverisë shqiptare, veçanërisht për respektimin e standardeve europiane lidhur me imunitetin e zyrtarëve të lartë.

Berisha kujtoi rastin e ish-zv/kryeministrit Ilir Meta, i cili sipas tij dha dorëheqjen pas akuzave të Prokurorisë, duke theksuar se ligji duhet të zbatohet njësoj për të gjithë.

Në një tjetër reagim, lideri i opozitës kritikoi paraqitjen e kryeministrit Edi Rama përkrah Belinda Ballukut në Divjakë, duke e cilësuar një provokim për qytetarët.

Sipas Berishës, protestat dhe reagimi qytetar do të vijojnë, brenda dhe jashtë vendit.

Komente (0)