U skualifikua nga gara për kreun e PD, Kokalari: Bravo demokratë, më pak se 100 vetë për Berishën

Aktivistja demokrate ka komentuar pjesëmarrjen e ulët në protestën e zhvilluar nga Partia Demokratike këtë të premte.

09.05.2026. 08:28

U skualifikua nga gara për kreun e PD, Kokalari: Bravo demokratë, më pak se 100 vetë për Berishën

Aktivistja demokrate Evi Kokalari ka komentuar pjesëmarrjen e ulët në protestën e zhvilluar nga Partia Demokratike këtë të premte. Në një postim në rrjete sociale, ajo ka falënderuar demokratët që nuk dolën në protestë, duke e cilësuar një mënyrë për t’i dhënë një mesazh Berishës.

“Bravo demokratë. Më pak se 100 veta në protestën e Berishës sot. Keni dhënë një super mesazh jo vetëm Berishës, por edhe neve që po bëjmë luftën për ta nxjerrë opozitën nga kthetrat e këtyre monstrave. Ja, kjo është shpresa për shpëtimin e vendit! Dashuri për të gjithë ju që qëndruat në shtëpi sot”, shkruante aktivistja shqiptaro-amerikane.

Evi Kokalari nuk I ka kursyer kritikat dhe akuzat për Sali Bershën. Madje, pas skualifikimit nga gara e 23 majit për kreun e PD-së, ku lideri historik është kandidat i vetëm, me argumentin se nuk është anëtare e parties ajo e ka sfiduar Berishën me një përballje gjyqësore.

Shkarkoni aplikacionin Newsmax Balkans:

Komente (0)