Vlora tre ditë pa ujë, drejtori i Ujësjellësit zbulon kur rikthehet furnizimi normal

Qytetarët e Vlorës prej tre ditësh u janë drejtuar burimeve të ndryshme të ujit në qytet, si ai pranë zonës së Ujit të Ftohtë për të siguruar ujin e pijshëm, pasi qyteti bregdetar ka mungesë të furnizimit normal nga Ujësjellësi.

Shkak për këtë mungesë të tejzgjatur të furnizimit me ujë është bërë një defekt i rëndë në një prej tubacioneve 1000 mm, duke e bërë situatën tepër të vështirë për qytetarët në prag të natës së ndërrimit të viteve.

Për situatën e krijuar ka reaguar drejtori i Ujësjellësit të Vlorës, Ermal Murati, i cili ka premtuar një zgjidhje alternative të përkohshme gjatë orëve të pasdites, pasi defekti në rrjet ende nuk është rregulluar.

LEXO MË SHUMË

Aktualitet

Vlora, në ditën e tretë pa ujë, spitali furnizohet me autobote

Vlora, prej 3 ditësh vuan mungesën e ujit të pijshëm. Shkak është bërë një defekt në tubacionin kryesor, teksa mësohet se spitali po furnizohet nga zjarrfikëset.

10:03 154 ditë më parë28.12.2025.

Autori

Sipas tij për institucionet e rëndësisë së veçantë kanë siguruar zgjidhje përmes boteve me ujë të ujësjellësit, ndërsa punëtorët në terren janë angazhuar për t’i dhënë zgjidhje përfundimtare defektit në tubacion.

“Nga dita e djeshme kemi realizuar pjesërisht një zgjidhje, e cila dha sërish probleme. Pati një furnizim të shkurtër për zonën e Lungomares dhe bregdetit. Qyteti sërish vuan furnizimin me ujë. U kërkojmë ndjesë qytetarëve për këtë situatë. Është një avari shumë serioze, shumë e rëndë, e cila dhe për ne zgjidhja teknike merr kohën e vetë. Mendojmë se deri nga ora 5-6 pasdite të ditës së sotme të fillojë furnizimi duke ardhur sërish nga stacionet e prodhimit drejt Lungomares tek zonat turistike dhe pastaj t’i japim një lloj sigurie pjesës tjetër për furnizimin e qytetit. Presioni aty është shumë i lartë, edhe pse pajisjet janë të së njëjtës atmosferë që parashikon edhe tubi 1000 mm i ujësjellësit. Është situatë e trishtë sepse qytetarët po përgatiten për vitin e ri. Linja e transmetimit, e ndërtuar në 2009-2010 ka pësuar një çarje të rëndë, por i vetmi tub i kësaj linje që përdoret në Shqipëri, është në Vlorë, ndaj për eleminimin e avarisë po merret një kohë kaq e gjatë. Në datë 25 në mbrëmje ka ndodhur kjo avari. Në datë 26 është realizuar një furnizim i shkurtër, 1 orë-1 orë e 30 minuta. Pastaj kemi vijuar përsëri për zgjidhjen e problemit. Po punojmë ende që të realizojmë furnizimin”, ka deklaruar ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)