Tifozët pushtuan fushën në Vlorë, Flamurtari akuzon Teutën për dhunën

Incidentet e ndodhura në Vlorë, gjatë ndeshjes Flamurtari-Teuta, që rikthyen dhunën në futbollin shqiptar vazhdojnë të diskutohen me akuza dhe kundër-akuza. Tani ishte radha e klubit të Flamurtarit që të reagonte.

Teksa kanë marrë përsipër përgjegjësitë për organizimin e garës, vlonjatët janë distancuar nga ngjarja dhe njëkohësisht i kanë bërë thirrje Teutës që të mos abuzojë me situatën, si edhe të përqendrohet tek futbolli i pastër.

Klubi kuqezinj publikoi edhe pamje që sipas tyre tregojnë “akte dhune” nga lojtarët dhe stafi i Teutës, si dhe sjellje jo sportive gjatë ndeshjes.

NJOFTIMI I FLAMURTARIT:

“Duke u distancuar nga ngjarja dhe duke marrë përsipër përgjegjësitë e organizimit të garës, ftojmë Klubin e Teutës të mos abuzojë me këtë situatë dhe të fokusohet te futbolli i pastër në fushë, i luajtur nga futbollistët si një shfaqje për spektatorët, pa ndërhyrje të treta nga jashtë.

Për këtë arsye, vëmë në dispozicion një pjesë të akteve të dhunës të ushtruara nga lojtarët dhe stafi i Teutës, si edhe sjelljet jo sportive të evidentuara gjatë kësaj ndeshjeje”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)