Dy minuta i kanë mjaftuar Elbasanit për të marrë një tjetër fitore të rëndësishme dhe për të vijuar presionin ndaj Vllaznisë në garën për kreun e Superiores. Verdheblutë triumfuan 2-1 ndaj Teutës në “Elbasan Arena”, në një ndeshje që u vendos nga lojtarët e futur nga stoli.
Takimi nisi më mirë për durrsakët, të cilët rrezikuan seriozisht portën e Totoshit dhe goditën edhe shtyllën, ndërsa portieri i Elbasanit u detyrua të ndërhynte disa herë. Me kalimin e minutave, vendasit morën kontrollin e lojës, por pa qenë konkretë në fazën sulmuese.
Pjesa e dytë ishte më e balancuar, deri në momentin kur zëvendësimet ndryshuan gjithçka. Gonçalves, në debutimin e tij, i dha avantazhin Teutës, por reagimi i Elbasanit ishte i menjëhershëm. Debutuesi tjetër, Boje, realizoi dy gola brenda 7 minutash, duke përmbysur rezultatin dhe duke siguruar fitoren.
Me këtë sukses, Elbasani ruan vendin e dytë dhe mbetet pranë kreut, ndërsa Teuta zhytet, duke shënuar 10 ndeshje radhazi pa fitore në kampionat.
Shkarkoni aplikacionin Newsmax Balkans:
Mund ta shkarkoni aplikacionin Newsmax Balkans nga Google Play dhe App Store.
Komente (0)