Kombëtarja nis rrugëtimin drejt Amerikës, pamje nga seanca e parë, Mehmeti bashkohet me grupin

Kombëtarja shqiptare ka zhvilluar seancën e parë stërvitore në Tiranë, në kuadër të përgatitjeve për sfidën e rëndësishme të play-off-it të Botërorit ndaj Polonisë, që do të luhet ditën e enjte.

Kuqezinjtë janë grumbulluar në kryeqytet për këtë përballje vendimtare, e cila mund të hapë rrugën drejt kualifikimit në Botërorin e Amerikës. Në këtë seancë stërvitore ka qenë i pranishëm edhe presidenti i Federata Shqiptare e Futbollit, Armand Duka, i cili ka ndjekur nga afër përgatitjet e skuadrës.

Sipas informacioneve, disa nga lojtarët ende nuk i janë bashkuar grupit. Konkretisht, Ylber Ramadani, Myrto Uzuni dhe Nazmi Gripshi.

Nga pamjet e siguruara nga Newsmax nga kjo stërvitje, bie në sy edhe rikthimi i Anis Mehmeti në Kombëtare, i cili shihet si një alternativë e rëndësishme për këtë ndeshje vendimtare.

Mësohet se Kombëtarja nën drejtimin e Sylvinhos do të vijojë përgatitjen në Tiranë, ndërsa të mërkurën do të fluturojnë drejt Polonisë për sfidën e së enjtes mbrëma.

Komente (0)