Kronikë
Zjarri përfshin tregun e “5 Majit” në Tiranë
Një zjarr i përmasave të mëdha ka nisur mbrëmjen e së enjtes në tregun e zonës së “5 Majit” në Tiranë.
19:33 27 min më parë08.01.2026.
Autori“Hip në karrige të takohemi”, sportisti 2.10 metra përshëndet kundërshtarin
Episodi qesharak u regjistrua në turneun e Brisbejn, gjatë duelit Opelka–Sweeney. Tenistët kishin plotë 41 centrimetra diferencë në gjatësi.
05.01.2026. 22:58
Një moment komik ka tërhequr vëmendjen në turneun e Brisbejnit, pas ndeshjes mes Dane Sweeney dhe gjigantit amerikan Reilly Opelka. Në fushë nuk pati shumë histori, me Opelka që fitoi 6-3, 7-5 falë një shërbimi të jashtëzakonshëm dhe plot 21 pikëve të realizuara me “ace”.
Por, përtej duelit, australiani ishte protagonist me humorin e tij. Në momentin e përshëndetjes në rrjetë, Sweeney, i gjatë 1.70 metra, u përball me diferencën e madhe fizike ndaj Opelka-s, i cili kalon 2.10 metra. Për ta kapërcyer këtë hendek prej 41 centimetrash, tenisti australian mori një karrige, u ngjit mbi të dhe arriti ta përqafonte kundërshtarin, duke shkaktuar të qeshura në tribuna dhe te vetë Opelka.
Skena plot autoironi u prit me duartrokitje nga publiku dhe u bë menjëherë virale, duke kujtuar një episod të ngjashëm të vitit 2014 mes Dudi Sela-s dhe Ivo Karlovic-it. Edhe pse i mposhtur në rezultat, Sweeney fitoi pa dyshim sfidën e simpatinë e publikut.
Shkarkoni aplikacionin Newsmax Balkans:
Komente (0)