Vendosi dy rekorde kombëtare, Franko Burraj mbyll Botërorin e Atletikës në salla të mbyllura

Me paraqitjet e bëra në Torun të Polonisë, kampioni kuqezi shkruajti një tjetër faqe të rëndësishme të historisë së atletikës shqiptare.

21.03.2026. 16:50

Vendosi dy rekorde kombëtare, Franko Burraj mbyll Botërorin e Atletikës në salla të mbyllura

Franko Burraj përfaqësoi Shqipërinë në Kampionatin Botëror të Atletikës në salla të mbyllura për vitin 2026, i cili u zhvillua në Torun të Polonisë. Kampioni shqiptar i pistave dhuroi paraqitje të jashtëzakonshme. Atleti shkodran përmirësoi dy herë rekordin kombëtar në garën e 400 metrave, që mbahej nga ai vetë.

Gjatë kualifikueseve, Burraj regjistroi kohën 46.57 sekonda, duke vendosur rekord të ri kombëtar. Ajo paraqitje i mundësoi edhe pjesëmarrjen në bateritë gjysmëfinaleve të 400m në Kampionatin Botëror. Edhe aty paraqitja ishte po kaq e mirë, madje Burraj e përmirësoi më tej kohën gjatë vrapimit, duke vendosur një rekord të ri në këtë disiplinë.

Fatkeqësisht konkurrenca ishte mjaft e madhe dhe rivalët tejet cilësorë, duke mos arritur të kualifikohej në finalen e madhe. Gjithsesi, me paraqitjet e bëra në Botërorin e Atletikës në salla të mbyllura, kampioni kuqezi shkruajti një tjetër faqe të rëndësishme të historisë së atletikës shqiptare.

Foto: FSHA

Shkarkoni aplikacionin Newsmax Balkans:

Komente (0)