Situata në Lindjen e Mesme “fut në luftë” edhe Spanjën me Argjentinën

Lindja e Mesme ka “futur në luftë” edhe Spanjën dhe Argjentinën. Shkak është edicioni i vitit 2026 të “Finalissima”, supersfidës ndërkombëtare që vendos përballë kampionët e Europës me kampionët e Amerikës Jugore.

Për shkak të luftës në Iran, dueli i parashikuar të luhej më 27 mars në Katar u anulua dhe nuk do të zhvillohet aspak. Por, polemikat vazhdojnë të ndezin debate në botën e sportit. UEFA kishte njoftuar anulimin e takimit, duke u justifikuar me vështirësitë për të gjetur një zgjidhje të përbashkët për ndryshimin e datës dhe vendit të ndeshjes.

Sipas Federatës argjentinase, zhvillimi i takimit në Madrid do të shkelte parimin e drejtësisë sportive: “Më 14 mars na u propozua një vend neutral në Itali, që e pranuam, duke zgjedhur datën 31 mars. UEFA megjithatë njoftoi se nuk mund të luhej vetëm katër ditë pas propozimit fillestar, duke anuluar ndeshjen. Conmebol dhe AFA shprehin keqardhje të thellë”, thuhej në njoftimin zyrtar të Federatës Argjentinase të Futbollit.

Më të ashpra fjalët që erdhën nga Alejandro Dominguez, presidenti i Konfederatës së Futbollit në Amerikën Jugore: “Nëse zbatojmë parimin e tërheqjes me fitore pa luajtur, Argjentina është dy herë kampione e ‘Finalissima’ sepse Spanja nuk u paraqit”. Deklarata përfaqëson një goditje të drejtpërdrejtë ndaj Federatës Spanjolle, e cila akuzohet se nuk bashkëpunon në gjetjen e një date dhe vendi alternativ.

Me anulimin e “Finalissima”, të dy kombëtaret kanë planifikuar ndeshje miqësore. Argjentina do të përballet me Guatemalën, ndërsa Spanja do të luajë kundër Serbisë, për të mbetur në aktivitet sportive, në pritje të angazhimeve ndërkombëtare të ardhshme.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)