“Ia kalova mirë pas hekurave”, rrëfimi i pazakontë i Ronaldinho për jetën në burg: Më kërkuan të luaja futboll

Legjenda braziliane e futbollit Ronaldinho ka treguar një episod të pazakontë nga koha kur u arrestua në Paraguay. Ai pohoi se përvoja e tij në burg ishte shumë ndryshe nga ajo që kishte imagjinuar. Sipas legjendës braziliane, fillimisht ai kishte frikë se do të përballej me dhunë dhe trajtim të ashpër, siç ndodh shpesh në burgje.

Megjithatë, situata mori një drejtim krejt tjetër. Ronaldinho tregoi se të burgosurit kërkuan nga rojet që të organizonin ndeshje futbolli dhe madje i kërkuan atij të bënte disa truke me topin për t’i argëtuar. “Mendova se do të më godisnin dhe do të ndodhnin gjëra të këqija, por në vend të kësaj ata donin të luanim futboll”, ka rrëfyer ish-ylli i Brazilit dhe Barcelonës.

Sipas Ronaldinho-s, një ditë pas arrestimit të tij u organizua edhe një ndeshje futbolli pesë kundër pesë. Në lojë morën pjesë të burgosurit, ndërsa rojet dhe disa zyrtarë të burgut e ndoqën sfidën, madje edhe duke e filmuar me telefonët e tyre. Në fund, Ronaldinho u shpreh se, pavarësisht rrethanave, përvoja e tij në burg ishte më pozitive nga sa e kishte pritur. “Mund të them se koha ime atje ishte e mirë”, tha ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)