“Do ta vras me automatik”, ngrihet akuza ndaj burrit që kërcënoi zv.presidentin Vance

Një juri federale në Ohajo ka ngritur padi ndaj një 33-vjeçari që kërcënoi me vdekje zëvendëspresidentin J.D. Vance gjatë vizitës së tij në këtë shtet në janar.

Sipas New York Times dhe padisë së paraqitur në gjykatë Shannon Mathre, dyshohet se deklaroi më 21 janar se do të përdorte pushkën e tij automatike M14 për të vrarë zëvendëspresidentin gjatë vizitës së tij në Toledo.

Mathre u arrestua nga agjentë të Shërbimit Sekret dhe gjatë hetimit, policia zbuloi  dhe materiale pornografie me fëmijë në telefonin e tij. Nëse shpallet fajtor, ai përballet me një dënim maksimal prej pesë vjetësh burg për kërcënim ndaj zëvendëspresidentit dhe deri në 20 vjet për posedim të pornografisë me fëmijë.

Ky episod është vetëm incidenti më i fundit i sigurisë që përfshin J.D. Vance. Në fillim të janarit, zëvendëspresidenti tha se një individ kishte tentuar të hynte me forcë në shtëpinë e tij në Ohajo.

Sipas raporteve të medias amerikane, Vance dhe familja e tij nuk ishin në shtëpi në atë kohë, dhe një burrë 26-vjeçar u arrestua më vonë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)